ආයතන ගත රැදිවියන්හට ස්වයං නිවර්තනය පිණිස උපකාරී වීම, ඔවුන්ගේ මානසික කුසලතා සමනය කිරීම හා ජීවන කුසලතා සංවර්ධන කිරීම මඟින් ඔවුන් සමාජානුයෝජනය කිරීම.

1841 අංක 4 දරණ අයාල ආඥා පනත හා 1907 අංක 05 දරණ නිවර්තන නිවාස ආඥා පනත යටතේ අධිකරණය මඟින් යොමු කරනු ලබන විවිධ සමාජ විෂමතාවන්ට ගොදුරු වූ කාන්තාවන් පුනරුත්ථාපනය, රැකවරණය හා සුභසාධනය යටතේ යහපත් මානසික ඒකාග්‍රතාවයකින් සමාජය වෙත යොමු කිරීම පිණිස මෙම නිවාස පවත්වා ගෙන යයි. දැනට මෙම ආයතන‍යෙහි, කාන්තාවන් 72 ක්, මානසික නේවාසිකාවන් 70, මව්වරුන් 13, ළමයි 16, ළදරුවන් 2 ක් , ලෙස මු‍ළු නේවාසිකාවන් 163 රැකවරණය ලබයි.

මෙම නිවාසය තුළ නේවාසික කාන්තාවන් පුනරුත්ථාපනය කර සමාජ ගත කිරීම සඳහා විශේෂ වැඩසටහන් හා විවිධ වෘත්තිය ව්‍යාපෘතීන් ක්‍රියාත්මක වන අතර, මනා සංයමයකින් යුක්ත හා මානසික ඒකාග්‍රතාවයකට පත් වූ කාන්තාවන් ඇඟළුම් කම්හල් වල සේවය සඳහා යොදවා ඇත.

1. ජුකී මැහුම් – නේවාසිකාවන් පුහුණු කර පුද්ගලික ඇඟළුම් ආයතන වල සේවයට යොදවයි. ජුකී මැෂින් පුහුණුව සඳහා යොදා ගන්නා රෙදි වලින්, ඉතිරි රෙදි විවිධ නිර්මාණ හා කොට්ට උර නිපදවයි. තවද මෙම අංශයේ නේවාසිකාවන්ගේ ඇදුම් මැසීම ද සිදු කරයි.
2. ඉදල් ‍/ කොසු / පාපිසි සෑදීම – නේවාසිකයන් යොදාගෙන මේවා නිෂ්පාදනය කරයි. මේවා විකුණා දැනට ආදායම් උත්පාදනය කරයි.
3. ගෙවතු වගා ව්‍යාපෘතිය – මේ යටතේ විවිධ එළව‍ළු වර්ග, කෙසෙල්, අන්නාසි, මඤ්ඤොක්කා වගා කෙරේ.
4. කොළ කැඳ ව්‍යාපෘතියක් – ආයතනයේ අලෙවි කුටියේදී අළෙවි කෙරේ.
5. පැළ තවාන – මිරිස්, වම්බටු, බීට්, කොළ ගෝවා ආදී බෝග වගා කෙරේ.
6. කොණ්ඩා කැපීම හා රූපලාවන්‍ය අංශයක් පවත්වා ගෙන යෑම.
7. දිරිය අළෙවි හලක් පවත්වානෙ යෑම.
8. කඩදාසි බෑග් නිෂ්පාදන අංශය
9. ඉටි පන්දම්, හදුන්කූරු නිෂ්පාදන අංශය
10. අ.පො.ස (සා.පෙළ) විභාගය සඳහා රැඳවියන් යොමු කිරීම.