කිසිදු හව්හරණක් නොමැතිව අසරණභාවයටපත් ආබාධි දැරිවියන් (මන්ද මානසික) ආයතනගත කොට ඔවුන්ට පෝෂණය හා ආරක්‍ෂාව ලබා දී රැක බලා ගැනීම හා සමාජ ගත කිරීම.

සෙමින් මනස වැඩෙන මන්ද මානසික ගැහැණු ළමුන් 73 ක් මෙම ආයතනයේ නේවාසිකව සිටිති. ඔවුන්ගේ පුනරුත්ථාපනය, රැකවරණය, විවිධ ක්‍රියාකාරකම් සඳහා පුහුණු කිරීම, වෘත්තීය පුහුණුව ලබා දීම දෙපාර්තමේන්තුවේ වගකීමයි.

මෙම ආයතනයේ නේවාසික ළමුන් පහත සඳහන් පරිදි විවිධ වෘත්තීය පුහුණු වලට යොමු කර ඇත.

මෙවැනි ක්‍රියාකාරකම් වල යෙදවීම තුළින් ඔවුන්ගේ මානසික මට්ටමෙහි යම් වර්ධනයක් සිදුවන අතර ශාරීරික වශයෙන්ද යහපත් වර්ධනයක් සිදු වේ.මනස සෙමෙන් වැඩෙන ළමුන් සඳහා විවිධ වැඩසටහන් සකස් කර ක්‍රියාත්මක කරනු ලැබේ.

1. එදිනෙදා වැඩ කටයුතු තනිව කර ගැනීමට හුරු කිරීම ( දත් මැදීම,  මුහුණ සේදීම, පිරිසිඳුව සිටීම)
2. ව්‍යායාම්වල නිරත වීම.
3. ළමුන්ට ගැලපෙන ආකාරයෙන් විශේෂ ක්‍රිඩා හදුන්වා දීම හා ක්‍රිඩා වල නිරත කරවීම.
4. අධ්‍යාපනික පුහුණුව ( අකුරු කියාදීම, චිත්‍ර ඇදීම)
5. ආගමික වැඩසටහන් වලට සහභාගි කරවීම.
6. විනෝද චාරිකා රැගෙන යාම.
7. සැඟවුණු හැකියා ඔප්නැංවීම.
8. විවිධ ප්‍රසංග පැවැත්වීම, තරඟ පැවැත්වීම.

මෙම දැරිවියන් සමාජ ගත කිරීමේ එක් පියවරක් ලෙස ඔවුන් විවාහ කර දීමට කටයුතු කරනු ලැබේ.

දැනුම, කුසලතා හා ආකල්ප වර්ධනය කිරීමේ වැඩසටහන්, ශරීර සුවතා වැඩසටහන් හා නර්තන පුහුණු වැඩසටහන් ක්‍රියාත්මක වේ.