වැඩිහිටි නිවාස, ළමා නිවාස, ආබාධිත නිවාස හා රෝහල් වල සිටින නේවාසිකයන් සඳහා දාන මාන දීම, ශ්‍රමදාන පැවැත්වීම හා ආබාධිත දරුවන් ආර්ථික වශයෙන් නඟා සිටුවීම සදහා නිෂ්පාදන අලෙවිසැල් ව්‍යාප්ත කිරීම සහ ඔවුන්ගේ නිෂ්පාදන අලෙවි කර ගැනීමට අවස්ථාව සලසා දීම.

බස්නාහිර පළාතේ වෙසෙන අනාථ අසරණ මිනිසුන් සමාජය විසින්ම රැකබලා ගන්නා සහජීවනයෙන් පිරි සමාජයක් නැවත ප්‍රති නිර්මාණය කිරීම.

ශේෂ අවශ්‍යතා සහිත පුද්ගලයන් (ආබාධ සහිත පුද්ගලයන්) තේමා කර ගනිමින් කෙටි චිත්‍රපටි තරඟාවලියක් පැවැත්වීම මෙහි මූලික අරමුණ වේ. ආබාධිත ප්‍රජාව තුල ස්වශක්තියෙන් නැගී සිටින්නට අවශ්‍ය චිත්ත ශක්තිය ලබා දීම මේ ඔස්සේ නිරූපනය කර ආබාධිත බව නොහැකියාවක් නොවන බව ඒත්තු ගැන්වීම තුලින් සමාජය බලගැන්වීමක් හා ආකල්ප සංවර්ධනයක් සිදු කිරීම අරමුණ වේ. මේ සදහා බස්නාහිර පලාත් සමාජ සේවා දෙපාර්තමේන්තුව විසින් සමාජ සත්කාරක සතිය ව්‍යාපෘතිය යටතේ  අතහිත වැඩසටහන වෙනුවෙන් 2017.09.18 දින ජාතික චිත්‍රපට සංස්ථාවේ විනිශ්චය මන්ඩලයක් මගින් තෝරාගත් චිත්‍රපට 6 ප්‍රදර්ශනය කරන ලදී. පසුව 2017.11.25 වන දින කඩවත සොනාරා වයිට්පැලස් උත්සව ශාලාවෙහිදී සම්මාන සහ සහතික ප්‍රදානෝත්සවය ප්‍රවීන කළාකරුවන් හා දිස්ත්‍රික් පළාත් මට්ටමේ රාජ්‍ය නිළධාරීන් රැසකගේ සහභාගීත්වයෙන් පවත්වන ලදී.